阿聰 ※ hofing

For it is by grace you have been saved, through faith—and this is not from yourselves, it is the gift of God— not by works, so that no one can boast.

Ephesians 2:8‭-‬9 NIV

我地嘅屋企人我地嘅朋友何穎聰，亞聰，1977年出生，一家四口，屋企有亞爸、亞媽同埋細佬。

果時我地住響廣福邨，同幾位好朋友夾埋叫做廣福五巨砲、周圍玩跑步打波打機。之後讀書，到中五，和朋友一齊返左播道會天福堂，係果度認識主耶穌，亦係果到認識佢嘅太太，於2010年結婚。

亞聰份人比較內斂，唔係咁鐘意講嘢，但係對朋友就好好...為朋友默默付出！所以佢唔同階段嘅朋友都keep得到。一大班小學到而家嘅好朋友啦，一班中學嘅波友，番教會識嘅弟兄姊妹。佢大學響CityU讀電腦，畢咗業就響JP Mogan做到而家，從好多同事嘅口中都聽到佢地都好欣賞亞聰，讚賞佢做事好有效率，而對別人亦都好尊重，

好夾到人好肯幫人。

阿聰他身體機能好，自小喜歡運動，中學時開始打籃球，佢好鍾意打籃球，每次打波都好認真，佢對自己喺籃球場上嘅表演係特別有要求，而佢嘅波友都知道佢係好波。佢都鍾意踩單車啦。試過有一次同朋友踩車，人地叫咗佢著有pad要保護男人最重要嘅部位佢又唔聽，之後攪到損哂好鬼好笑。佢亦非常喜歡海上的活動，去半月灣海灘，深海潛水和開船出海更是他長大後的特別喜好，对于天文地理的好奇心更是，所以行山遠足，觀星和攝影更是他理所當然的追求。唔講你地唔知原來佢好鐘意行ToyRus，好鐘意玩玩具、砌模型。只要佢對果一件事有興趣，佢就會好認真咁去研究鑽硏果一樣嘢希望盡可能做得好，佢會買啲戰術書研究籃球，佢會上網買好多裝備，總之就係希望自己做得最好。佢和太太，朋友有很多經歷，開心的片段。其中一次在美國旅遊，在湖中和海豚泳和親吻海豚更是他非常嘗心的樂事。

您既我行我素，不虛假，真誠，一直感染身邊的人. 您一直以來都知道自己想要什麼，想做什麼，一直都沒有忘記初衷，好似打波，一直沒有因為工作，或是其他原因放棄，

您的堅持感染到身邊的人。