與哀哭的人要同哭

給那些認為「香港畀啲所謂暴徒搞壞」，
特別是基督徒的人閱讀： 

今日香港呢個處境好亂，相信大家都應該好認同，對嗎？而中間如果有人有以下呢個唸法， 「本來香港好好嫁，但係被啲人/事搞到生計有問題，出入唔方便，樓價就黎跌」 如果你係其中一個，我想同你講，你得罪左上帝，而且更是不認識上帝。
得罪上帝唔係因為你覺得今日亂，而係你覺得以往香港好好！ 香港社會一直欺壓貧窮人，無權無勢嘅人，一天工作12小時，一星期做6日，連最基本住嘅地方都無，竟然有人會說香港一直好好？
那麼，你覺得好和神覺得好嘅距離有好大。 
香港城市背後的" 綑綁 "大得我們無法想像：物質豐富，名利🏆帶黎嘅綑綁，令大部份香港人最值得驕傲嘅事就係名列前矛： 
香港全球競爭力排行第7
股票市場全球排名第5
金融市場中心香港地位全球排名第3
全球貨運排名第1
擁有最多100萬美金人士香港全球排名第6
香港米芝蓮三星數量全球排名第6
🤕但同時間 2016年香港堅尼系數(貧富懸殊) 為0.539，
全球排名第1 2018年以二人家庭入息$9800計，
全港貧窮人口達137萬
2018年全港有21萬人居於劏房，人均面積56呎
2019年3月，公屋平均輪候時間5.5年
2019年香港連續9年成為全球最難負擔樓價城市，
平均不吃不喝近21年才能置業

💕耶穌最愛嘅就係貧窮人，但係香港有一班生活係基層嘅人，日日好似奴隸一樣生活，社會無人關心，無安全網，當中好多人可能只係得最低工資$37.5，住劏房每個月交$4500租，交完租每日洗費少過$100，毫無尊嚴地生活，更加唔洗唸將來可以向上流動，竟然會有人話係好？

如果你唔知，我鼓勵你睇番聖經，理解一下耶穌覺得點樣先係好。

與喜樂的人要同樂；與哀哭的人要同哭。 要彼此同心；不要志氣高大，倒要俯就卑微的人 。不要自以為聰明。
羅馬書 12:15‭-‬16